प्र. ६. आंतरजालाचा उपयोग करून भारतीय जलतरणपटू यांची माहिती घ्या. प्रत्येक खेळाडूची माहिती चार-पाच वाक्यांत लिहा.

उत्तर:

(अ) कांचनमाला विनोद पांडे-देशमुखः ही आंतरराष्ट्रीय दर्जाची भारतीय जलतरणपटू आहे. तिचा जन्म ३१ डिसेंबर १९९० रोजी झाला. ती महाराष्ट्र राज्यातल्या बुलढाणा जिल्ह्याच्या चिखली तालुक्यातील एकलारा येथे राहते, ती अंध आहे परंतु जिद्दीने वयाच्या १०व्या वर्षापासून पोहायला तिने सुरुवात केली, लिम्का बुकमध्ये तिने सात कि.मी. समुद्री अंतर चौदा मिनिटात पार करून नाव नोंदवले आहे. मेक्सिको येथे पॅरा जागतिक जलतरण स्पर्धेत तिने सुवर्ण पदक जिंकले.

(आ) साजन प्रकाश हा भारतीय जलतरणपटू आहे. जन्म १४ सप्टेंबर १९९३ मध्ये इडुक्की, केरळ येथे झाला. २०१६ उन्हाळी ऑलिंपिक मध्ये याने २०० मी बटरफ्लाय प्रकारात भारताचे प्रतिनिधित्व केले.

(इ) शिखा टंडन या भारतीय जलतरणपटू आहेत. यांचा जन्म २० जानेवारी + १९८५ मध्ये झाला. त्या बेंगळुरूमधील स्विमिंग चैम्पियन आहेत. शिखा टंडन यांनी राष्ट्रीय स्तरावर १४६ पदके तर आंतरराष्ट्रीय स्पर्धांमध्ये ३६ पदके मिळवली आहेत, ज्यात ५ सुवर्ण पदके आहेत. सध्या त्या अमेरिकेच्या विज्ञान संघाच्या सदस्य आहेत.