प्र. १. एक-दोन वाक्यांत उत्तरे लिहा.

(अ) चर्नी रोड उद्यानात केळूस्कर गुरुजी कशासाठी येत?

उत्तर: चर्नी रोड उद्यानात केळूस्कर गुरुजी सोबत आणलेल्या पुस्तकाचे वाचन करायला येत असत.

(आ) उद्यानात गुरुजींचे कोणाकडे लक्ष गेले?

उत्तर: गुरुजींचे सतत तीन दिवस एकाग्र चित्ताने उद्यानात बसून पुस्तकाचे वाचन करणाऱ्या एका विद्यार्थ्याकडे लक्ष गेले.

(इ) गुरुजींना उद्यानात वाचन करत बसलेल्या विद्यार्थ्याची विचारपूस करावी असे का वाटले?

उत्तर: एक विदयार्थी इतर मुलांप्रमाणे मस्ती न करता पुस्तकवाचनात मग्न होता म्हणून गुरुजींना त्या विदयार्थ्याची विचारपूस करावी असे वाटले.

(ई) केळूस्कर गुरुजींची व डॉ. आंबेडकरांची गट्टी का जमली?

उत्तर: उद्यानात गुरुजी व बाबासाहेब आंबेडकरांची रोज भेट होऊ लागली. गुरुजी त्यांना चांगल्या लेखकांची पुस्तके वाचायला देऊ लागल्यामुळे त्यांच्या विस्तृत वाचनाला सुरुवात झाली त्यामुळे त्यांच्यात अभेदय गट्टी जमली.

(उ) डॉ. आंबेडकरांनी कोणता नावलौकिक मिळवला?

उत्तर: आपल्याला मिळालेल्या संधीचे सोने करून डॉ. बाबासाहेब आंबेडकरांनी जगातील एक विद्वान म्हणून नावलौकिक मिळवला.