प्र. १. थोडक्यात उत्तरे लिहा.

(अ) आईला पाहताच मुलगा घावत का गेला? 

उत्तर: शाळा सुटल्यावर मुलगा घरी जायला निघाला. वाटेत त्याला त्याची आई दिसली. तिच्या हातात दोन मोठ्या पिशव्या होत्या. त्या खूप जड असाव्यात, असे तिच्याकडे पाहून त्याला जाणवले. तिच्या हातातील पिशवी घेऊन तिला मदत करण्यासाठी मुलगा आईला पाहताच तिच्याकडे धावत गेला.

(आ) आईचे हात कशामुळे लालेलाल झाले होते? 

उत्तर: आईने बाजारात जाऊन महिनाभराचे किराणा सामान दोन पिशव्यात भरून आणले होते. आईला मदत करण्यासाठी मुलाने आईच्या हातातील एक पिशवी घेतली. एक पिशवी हातात धरल्यावर मुलाला समजले की त्या जड पिशव्यांच्या ओझ्यामुळे आईचे हात लालेलाल झाले होते.

(इ) आईला बरे का वाटले?

उत्तर: आई दोन पिशव्या भरून सामान बाजारातून आणत होती. वाटेत तिला मुलगा भेटला. त्याने आईच्या हातातील एक पिशवी घेतली. त्यामुळे आईला थोडी मदत झाली. दर महिन्याला आई अशाच पिशव्या भरून सामान आणत असे. एवढं ओझं ती एकटीच घेऊन येत असे. आज मुलाने आईला सामान आणण्यास मदत केली. त्यामुले आईचे काम थोडे हलके झाले म्हणून आईला बरे वाटले.

(ई) मुलाने किराणा सामान केव्हा आणायचे ठरवले?

उत्तर: आई दर महिन्याला किराणा सामानाने भरलेल्या पिशव्या एकटीच घेऊन येत असे, आज मुलाने आईच्या हातातील एक पिशवी घेतल्याने त्या खूप जड असतात व त्या आणताना आई खूप दमते हे मुलाला समजले. आईला मदत व्हावी म्हणून ज्या दिवशी शाळेला सुट्टी असते, त्याच दिवशी आपण किराणा सामान आणायला जात जाऊ म्हणजे आईही दमणार नाही व मुलाचेही व्यवहारज्ञान वाढेल म्हणून मुलाने किराणा सामान शाळेला सुट्टी असते त्या दिवशी आणायचे ठरवले.