प्र. ४. तुमच्या शब्दांत माहिती लिहा.

(अ) वरंधा घाटातील निसर्गाचे विहंगम दृश्य तुमच्या शब्दांत वर्णन करा.

उत्तर: पावसाळ्यात वरंधा घाटातील निसर्गसौंदर्य मनोहारी असते. पाण्यावर हिरवीगर्द झाडी झुकलेली असते. त्यातून धबधबे रोरावत बाहेर पडतात. दरीमध्ये जिकडेतिकडे २ हिरवळ फुललेली असते. डोंगराला ढग बिलगलेले असल्यामुळे ते ढगाळलेले असतात. पाऊस सतत पडत असतो. मोठमोठ्या खडकांवर चाबूक मारीत पाणी खळाळत वाहत असते. हे दृश्य अतिशय विहंगम असते. डोळ्यांना खूप सुखावते. त्यातच अशा पावसाळी वातावरणात टपऱ्यांमध्ये भजी वडे चहा – असा राजेशाही, चमचमीत मेनू प्रवाशांना खायला मिळतो.

(आ) कावळ्या किल्ला.

उत्तर: जे जिगरबाज भटके आहेत, त्यांच्यासाठी : कावळ्या किल्ला सदैव तयार आहे, असे लेखकांनी म्हटले आहे. वरंधा घाटातला कावळ्या किल्ला फार मोठा आहे. तो फोडून घाटाचा शेवटचा टप्पा तयार केला आहे. श्रीवाघजाई मंदिराच्या वरच्या भागात डोंगरमाथ्याजवळ जो नऊ टाक्यांचा समूह आहे, तो पूर्वी कावळ्या किल्ल्याचाच एक भाग होता इथून खाली उतरले की डांबरी रस्ता लागतो. त्याच्या उजव्या हाताच्या वळणावर कावळ्या किल्ल्याकडे जाणारी अप्रतिम सुंदर छोटी पायवाट आहे. वरती डोंगराच्या सोंडेवर पोहोचता येते. डोंगरधारेच्या कड्यावरून जाणारी जी अरुंद पायवाट एका सपाटीवर उतरते; तेथून शेवटचे चढण चढले की त्यावरून वरंधा घाटाचे सुरेख दर्शन होते.

डोंगराच्या सोंडेच्या शेवटी कावळ्या किल्ल्याचे जोत्याचे अवशेष व ढासळून गेलेल्या बुरुजांचे अवशेष दिसतात. कावळ्या किल्ल्याची सफर अशी मनोहारी आहे.