हे ज्ञानाचे तेज पसरले नव्या युगाच्या नभात

कला-गुणांच्या क्षितिजावरती ही प्रतिभेची प्रभात.

अर्थ : तंत्रज्ञानाच्या नवीन युगाच्या आकाशात ज्ञानाचा, विदधेचा प्रकाश पसरला आहे. कलागुणांच्या क्षितिजावर ही नवनिर्मितीची सकाळ उगवली आहे.

English Translation:

The light of knowledge and wisdom has spread in the sky of the new age of technology. This dawn of innovation has dawned on the horizon of talent.

भव्य पटांगण, बाग मनोहर

फुला-पाखरांचे जग सुंदर 

आपुलकीचा सुवास पसरे

मनामनांतून इथे निरंतर. 

गुरुजनांची अमूल्य शिकवण या स्पर्धेच्या युगात,

कलागुणांच्या क्षितिजावरती ही प्रतिभेची प्रभात.

अर्थ : भव्य प्रांगणासारखी ही आपली विशाल मातृभूमी आहे. जणू ही सुंदर बाग फुलली आहे. फुले व पाखरे यांसारख्या माणसांचे हे सुंदर जग आहे. इथे स्नेहाचा, प्रेमाचा सुगंध पसरलेला आहे. या स्पर्धेच्या जमान्यात आपल्या गुरुजनांनी आपल्याला अनमोल शिकवण दिली आहे. जणू कलागुणांच्या क्षितिजापाशी ही प्रतिभेची सकाळ उजाडली आहे.

English Translation:

This is our vast motherland like a grand courtyard. As if this beautiful garden has blossomed. This is a beautiful world of people like flowers and birds. The fragrance of affection and love is spread here. In this age of competition, our teachers have given us valuable lessons. It is as if the morning of talent has dawned on the horizon of talent.

पायाभरणी अस्तित्वाची 

प्रयोगशाळा व्यक्तित्वाची, 

तन सुदृढ, मन विशाल होई 

इथे रुजवणूक त्या तत्त्वांची

विचारधारा तीच वाहते नसानसांत, रगारगांत,

कलागुणांच्या क्षितिजावरती ही प्रतिभेची प्रभात.

अर्थ : स्वतःचे अस्तित्व मजबूत करण्यासाठी ही व्यक्तिमत्त्वाच्या जडणघडणीची प्रयोगशाळा आहे. इथे शरीर निरोगी व आरोग्यदायी होते आणि मन विशाल होते. थोर मूल्यांचे थोर तत्त्वज्ञानांचे इथे रोपण होते. आमच्या नसानसांत, रंध्रारंध्रांत तीच अमूल्य विचारधारा रक्तासारखी वाहत आहे. कलागुणांच्या क्षितिजावर आता नवनिर्मितीची प्रभात होत आहे.

English Translation:

It is a laboratory of personality formation to strengthen one’s existence. Here the body is healthy and wholesome and the mind is vast. Great values ​​and great philosophies are implanted here. The same precious ideology flows like blood in our veins and pores. Innovation is now dawning on the horizon of talent.

नवीन स्वप्ने, नवीन आशा

ही प्रगतीची नवपरिभाषा,

परिश्रमाने, अभ्यासाने

उन्नत बनवू आपल्या देशा.

मिटवून सारे भेद चला रे मानवतेच्या युगात

कलागुणांच्या क्षितिजावरती ही प्रतिभेची प्रभात.

अर्थ : इथल्या मनामनांत नवीन स्वप्ने रुजली आहेत. नवीन उमेद, नवीन आशा फुलते आहे. प्रगतीची ही नवीन व्याख्या आम्ही दृढ केली आहे. अपार कष्टाने व अविरत अभ्यासाने आमच्या देशाला आपण प्रगतिशील बनवूया. सारे भेदभाव मिटवून माणुसकीचे नवीन युग आणूया. कलागुणांच्या या क्षितिजावर नवनिर्माणाची सकाळ झाली आहे.

English Translation:

New dreams have taken root in the minds here. New hope, new hope is blooming. We have solidified this new definition of progress. Let us make our country progressive with immense hard work and continuous study. Let’s eradicate all discrimination and usher in a new era of humanity. Innovation has dawned on this horizon of talents.