प्र. २. तीन-चार वाक्यांत उत्तरे लिहा.

(अ) अप्पाजींनी ताजी कोबी कलिंग देशाकडे कशी पाठवली?

उत्तर: अप्पाजींनी एका बैलगाडीत गाडीवानाला बसण्यापुरती जागा सोडून बाकीच्या जागेत माती भरायला लावली. त्या मातीत कोबीचे बी पेरले. रोज कोबीच्या रोपांना पाणी दयायला सांगितले. गाडी कलिंग राज्यात पोहचेपर्यंत कोबी तयार झाली.

(आ) कलिंगच्या राजाने अप्पाजींची दुसऱ्यांदा कशी परीक्षा घेतली?

उत्तर: कलिंगच्या राजाने एकसारख्या दिसणाऱ्या तीन मूर्ती मागवल्या व अप्पाजींना सांगितले की यांतील एक मूर्ती निकृष्ट आहे, दुसरी मध्यम दर्जाची तर तिसरी उत्कृष्ट आहे. यांतील उत्कृष्ट मूर्ती ओळखायला सांगून त्यांची दुसऱ्यांदा परीक्षा घेतली.

(इ) मूर्तीच्या तोंडात घातलेली तार तोंडातून बाहेर येते याचा अप्पाजींनी कोणता अर्थ लावला?

उत्तर: मूर्तीच्या तोंडात घातलेली तार तोंडातून बाहेर येते याचा अर्थ, एखादा माणूस ज्या अफवा ऐकतो त्याचा खरेखोटेपणा पडताळून न पाहता, तो त्या दुसऱ्यांना सांगू लागतो. असा अर्थ अप्पाजींनी लावला.

(ई) अप्पाजींच्या मते उत्तम माणूस कोणता?

उत्तर: अफवा ऐकल्यावर जो माणूस दुसऱ्या कानाने तो सोडून देत नाही किंवा दुसऱ्याला सांगत नाही, तर तिच्या खरेखोटेपणाची खात्री करून घेतो आणि आपण काय ऐकले ते पुराव्याशिवाय सांगत नाही तो अप्पाजींच्या मते उत्तम माणूस.