भेटीलागीं जीवा लागलीसे आस ।

पाहे रात्रंदिवस वाट तुझी ।।१।।

अर्थ : संत तुकाराम विठ्ठलाला उद्देशून सांगतात की, हे विठ्ठला मला तुझ्या भेटीची आस लागली आहे. मी रात्रंदिवस तुझ्या भेटीची अतिशय आतुरतेने वाट पाहत आहे.

English translation: Saint Tukaram addresses Vitthal and says, “O Vitthal, I am longing for your visit. I am eagerly waiting for your visit day and night.”

पूर्णिमेचा चंद्रमा चकोराजीवन । 

तैसें माझें मन वाट पाहे ।।२।।

अर्थ : आपल्याला लागलेली विठ्ठल भेटीची ओढ पटवून देताना संत तुकाराम चकोराचे उदाहरण देत आहेत. ते सांगतात, ज्याप्रमाणे पौर्णिमेचा चंद्रमा हेच चकोराचे जीवन असते त्याचप्रमाणे विठ्ठल हे माझे जीवन आहे. त्यामुळे माझे मन त्या चकोर पक्ष्यासारखे विठ्ठल दर्शनाची अतिशय मनापासून वाट पाहत आहे.

English translation: Saint Tukaram is giving the example of Chakora while convincing us about the attraction of visiting Vitthal. He says, just as the full moon is Chakora’s life, Vitthal is my life. So my heart is waiting for Vitthal darshan like that sweet bird.

दिवाळीच्या मुळा लेंकीं आसावली । 

पाहातसे वाटुली पंढरीची ।।३।।

अर्थ : संत तुकाराम सांगतात, ज्याप्रमाणे सासरी गेलेल्या मुली दिवाळीच्या सणाला माहेरपणाहून कोणीतरी मुऱ्हाळी आपल्याला न्यायला येईल याची अतिशय मनापासून वाट पाहत असतात. त्याचप्रमाणे हे विठ्ठला मी देखील पंढरपुराहून कोणीतरी मला भेटीसाठी न्यायला येईल, याची आतुरतेने वाट पाहत आहे.

English translation: Saint Tukaram says, Just as the daughters-in-law who have lost their mother-in-law wait with all their heart for the arrival of some Murhali on the festival of Diwali. Similarly, this Vitthal, I am also eagerly waiting for someone from Pandharpur to visit me.

भुकेलिवा बाळ अति शोक करी ।

वाट पाहे उरि माउलीची ।।४।।

अर्थ : विठ्ठल भेटीची तीव्र आस व्यक्त करताना संत तुकाराम सांगतात, लहान बाळ भुकेपोटी अतिशय व्याकुळतेने शोक करते म्हणजे रडत, तळमळत असते व आपली भूक मिटावी म्हणून आपल्या आईची अतिशय आतुरतेने वाट पाहत असते. तशीच मी देखील तुझी वाट पाहत आहे.

English translation: Saint Tukaram, while expressing his intense desire to meet Vitthal, says, the little baby mourns with great anxiety, i.e. cries, yearns and waits very eagerly for his mother to satisfy his hunger. I am also waiting for you.

तुका म्हणे मज लागलीसे भूक । 

धांवूनि श्रीमुख दांवी देवा ।।५।।

अर्थ :अभंगाच्या शेवटी तुकाराम महाराज सांगतात, लहान बाळाप्रमाणे मलादेखील विठ्ठल दर्शनाची तीव्र भूक लागली आहे. अशावेळी ते विठ्ठलाला विनंती करतात की, हे देवा, तुझे श्रीमुख म्हणजे तुझे दर्शन मला व्हावे म्हणून तू माझ्यासाठी धावून ये.

English translation: At the end of Abhanga, Tukaram Maharaj says, Like a small baby, I am also very hungry for Vitthal Darshan. At that time, they requested Vitthal to run for me so that I may see Your Shrimukh, O God.