उत्तर:

सण, फराळ, दिव्यांची रोषणाई, फटाके, नवीन कपडे, रांगोळी, नातेवाईक एकत्र, उत्साहाचे वातावरण.

भारतात अनेक सण साजरे केले जातात. माझा आवडता सण दिवाळी आहे. दिवाळीत घरी करंजी, चकल्या, चिवडा असे फराळ बनविले जातात. फराळाची नातेवाईकांमध्ये, शेजाऱ्यांमध्ये देवाणघेवाण करतात. दिवाळी हा दिव्यांचा सण आहे. दारात कंदील लावला जातो. सगळीकडे दिव्यांची रोषणाई असते. रात्रीच्या वेळी। फटाके फोडले जातात. लहानांपासून मोठ्यांपर्यत सर्वजण फटाके फोडण्यात उत्साहाने सहभागी होतात. घरातील सगळ्यांसाठी नवीन कपड्यांची खरेदी केली जाते. दारात छान अशी रांगोळी काढली जाते. दिवाळीच्या एकमेकांना शुभेच्छा देण्यासाठी सर्व नातेवाईक एका ठिकाणी गोळा होतात. सगळीकडे उत्साहाचे वातावरण असते म्हणून मला दिवाळी हा सण सर्वात जास्त आवडतो.