उपक्रम : भाजी मंडईला भेट दया. तेथे विकल्या जाणाऱ्या भाज्यांची यादी करा. भाज्यांचे प्रतिकिलो दर विचारा. ‘भाजी मंडई’ यावर पाच ते सात वाक्ये माहिती लिहा.

उत्तर: 

भाज्यांची यादी – 

गवार, हिरवा वाटाणा, कांदे, बटाटे, टोमॅटो, वांगी, फ्लॉवर, कोबी, लाल भोपळा, सुरण, शिराळे, भेंडी, सिमला मिरची, आले, मिरची-कोथिंबीर, घेवडा, पालेभाज्यांमध्ये अळू, चुका, मेथी, पालक, चवळी, लाल माठ, मका, शेवग्याच्या शेंगा, दुधी, पडवळ, तोंडली, काकडी, गाजर, मुळा, विविध फळे भाजी मंडईत विक्रीसाठी असतात.

भाजी मंडई – 

भाजी मंडईमध्ये वेगवेगळ्या भाज्या घेऊन भाजीवाले विकायला बसलेले असतात. भाज्यांचे विविध रंग व आकार पाहून मन तृप्त होते. भाजीवाले आपल्या भाज्यांचा दर ओरडून सांगत असतात आणि लोकांना भाजी घेण्यासाठी बोलावत असतात. भाजी मंडईत ताज्या आणि अनेक रंगांच्या भाज्या पाहून कोणती घ्यावी कोणती नको असे होते. अनेक लोक भाज्यांचा दर कमी करून भाजी घेण्यासाठी भाजीवाल्याबरोबर घासाघीस करत असतात. लोकांची खूप गर्दी असते. अनेक ओळखीची माणसे भेटतात. गप्पा मारणारेसुद्धा बरेच असतात.