प्र. ४. काही लोक सूचनांप्रमाणे वागत नाहीत. ते तसे का वागत नसावेत? आपसात चर्चा करा. 

उत्तर: सार्वजनिक ठिकाणी लिहिलेले सूचना फलक सार्वजनिक हिताच्या दृष्टीने नागरिकांसाठी लिहिलेले असतात. लोकांनी त्या सूचनांचे पालन करून सामाजिक आरोग्य सुरक्षित ठेवावे अशी अपेक्षा असते. परंतु काही लोक या सूचनांप्रमाणे वागत नाहीत कारण त्यांना नैतिक जबाबदारीची जाणीव नसते. आपण केलेल्या चुकीच्या गोष्टींमुळे लोकांच्या आरोग्याला हानी पोहोचेल याचा विचार ते करत नाहीत. होणाऱ्या वाईट परिणामांकडे ते दुर्लक्ष करत असतात. स्वत:बरोबरच इतर लोकांनाही त्यांच्या या चुकीच्या वर्तनाने अनेक समस्यांना तोंड दयावे लागणार आहे याविषयी त्यांना सामाजिक बांधिलकी नसते.