ऐका म्हणा.

नाच रे मोरा, अंब्याच्या बनात 

नाच रे मोरा नाच !

दर्गाशी धारा झुंजला रे

काळा काळा कापूस पिंजला रे

आता तुझी पाळी 

वीज देते टाळी

फुलव पिसारा नाच ॥ १ ॥

झर झर धार झरली रे 

झाडांची भिजली इरली रे 

पावसात न्हाऊ 

काहीतरी माऊ

करून पुकारा नाच ॥ २ ॥

थेंब थेंब तळात नाचती रे 

टप्टप् पानात वाजती रे 

पावसाच्या रेघात 

खेळ खेळू दोघांत

निळ्या सौंगड्या नाच ।। ३ ।।

पावसाची रिमझिम थांबली रे

तुझी माझी जोडी जमली रे 

आभाळात छान छान 

सात रंगी कमान 

कमानीखाली त्या नाच ॥ ४ ॥

– ग. दि. माडगूळकर