प्र. ४. तुम्ही सहलीसाठी गेलेल्या ठिकाणाचे वर्णन वर्गात सांगा.

उत्तर: 

आमची सहल

सहल सर्वांनाच आवडते. दरवर्षी आमच्या शाळेची सहल कोठे न कोठे जात असते. यावर्षी आमची सहल नेहरू विज्ञान केंद्र, वरळी येथे जाण्याचे ठरले. सहलीच्या दिवशी सर्व विद्यार्थी डबा घेऊन सकाळी ७.३० वाजता शाळेत जमले. सहलीला इयत्ता ५ वी चे सर्व विद्यार्थी, ६ शिक्षक व ४ शिपाईही आले होते. बसने नेहरू विज्ञान केंद्राच्या मोठ्या परिसरात आम्ही पोहोचलो. येथे उजव्या बाजूला उद्यान आहे तर डाव्या बाजूला रेल्वेचे वाफेचे इंजिन आहे तसेच हवाई दलाचे विमान आहे. विविध शास्त्रज्ञांचे अर्धपुतळे आहेत. प्रत्येक मजल्यावर वेगवेगळे हॉल होते. एका दालनात तारांगण, आकाशदर्शन असे शो आम्हांला पहायला मिळाले. एका हॉलमध्ये मानवी शरीररचना ही फिल्म आम्हांला दाखवली त्यामुळे आम्हांला खूप माहिती मिळाली. दुसन्या मजल्यावरील हॉलमध्ये ३ D शो होता. विशिष्ट प्रकारचा चष्मा घालून हा शी पहावा लागला, वेगवेगळ्या सरपटणाऱ्या प्राण्यांची माहिती या फिल्ममधून आम्हांला मिळाली. दुसरा शो पाहताना तर खूप धमाल आली. येथे खुर्चीला टेकून बसल्यावर आम्ही आडवेच झालो. डोक्यावर सुरू झालेली फिल्म पाहू लागलो. ही फिल्म पाहताना प्रत्येक ठिकाणी आपणच आहोत असे वाटत होते. बर्फाळ शिखरांची माहिती येथे देण्यात आली. संध्याकाळी सर्व विद्यार्थी विज्ञान केंद्र पाहून बाहेर पडलो. विज्ञानाची खूप माहिती आम्हांला मिळाली होती. गाणी म्हणत, धमाल करत बस कधी शाळेत आली समजलेच नाही.